- Dua Êvarê – Das Abendgebet
Das „Dua Êvarê“ ist das Abendgebet, dass während dem Sonnenuntergang am Abend mit dem Gesicht in Richtung Sonne aufgesagt wird.
Hûn bidene xatira dotê û dayê
Hûn me xilas kin ji qedayê, ji bela yê
Hûn bidene xatira kaniya sipî yê
Ya Şêşims tu halê mala xwe bipirsî û me jî vê care
Gay û masî
Heyat li kursî
Ya Şeşims tu li halê me û hazira bipirsî
Hewa û Adem e
ya rabî tu li bang û hawara me were
Li hemû çaxa û li hemû dem a
Ya Şêşims tu pirsiyarekê li halê me û hazira bik e
Hûn bidene xatira çerxan û felekan
Horiyan û melekan
Sira Tawsî Melek û çarde tebeqan
Ya Şêşims tu pirsiyareke xêrê li me û hazira bike
Kafê û mixar ê
Sira Êzî û Bêtil Far ê
Ya Şêşims tu pirsiyareke xêrê li me û hazira bike vê car ê
Melekê bêrî ye
Sira Êzî ye
Ya Şêşims li dîwana siltan Şêxadî
Tu bo mala xwe û me jî bikî hêvî ye
Êzdîne mîr e Qubletil bidor e
Ya Şêşims bang û hawarên me bi melekê jor e
Ax û av û agir e
Erd û ezman û ber e
Êzdîne mîr û her çar sir e
Ya Şêşims tu li banga mala xwe û me jî wer e
Mêrê li ber bedlê diket xilmet ê
Derwêşê şev û roj diket ebadet ê
Şêx û pîr, hosta û merebî, yar û birayên axiret ê
Ya Şêşims tu meferiyeke mala xwe û me jî bike vê carê
Melekî can a
Behra qudsî suphana,nefesê cana bin can a
Ya Şêşims me ji te divê dîn û îmana
Her heft melekên mezin, di destî de mifte û kilîl
Ew jî wê li ber hizreta melekê celîl
Derdayîl, Ezafîl, Ezazîl
Her heft melekên mezin, xasê berê çiqasî bedîl
Di destên wan de, mifte û kilîl
Li hizreta melekê celîl
Ti risqa didî û risqa dibî
Ya Şêşims ji te dixwazim sebir û nas
Me yek heya dereca îman ê
Tu me xilas bike ji bêbextî yê.
Ji me Êzdiyan re kilîl û mifte bîn e
Hawara me ve bê, vê carê xwedanê Hekar ê
